QazAvtoJol tórt oblysta kólikterdiń jazǵy dóńgelekpen júrýine shekteý qoıdy
ASTANA. KAZINFORM – QazAvtoJol 21 qazan kúngi saǵat 01:00-de aýa raıynyń buzylýyna baılanysty Pavlodar, Aqmola, Qaraǵandy jáne Abaı oblystary aýmaǵyndaǵy respýblıkalyq mańyzy bar avtojoldarda jazǵy dóńgelektermen jabdyqtalǵan avtokólikterdiń barlyq túrleriniń qozǵalysyna shekteý engizdi.
Pavlodar oblysy
Pavlodar oblysynda aýa raıynyń buzylýyna baılanysty respýblıkalyq mańyzy bar barlyq baǵyttaǵy avtojoldarda jazǵy dóńgelektermen jabdyqtalǵan avtokólikterdiń barlyq túrleri úshin qozǵalysqa shekteý engiziledi.
Aqmola oblysy:
- «Astana – Shiderti – Pavlodar – Ýspenka – RF shekarasy» avtojolynyń 159–200 shaqyrym aralyǵy (Ereımentaý qalasy – Pavlodar oblysynyń shekarasy);
Qaraǵandy oblysy:
- «Qyzylorda – Jezqazǵan – Qaraǵandy – Shiderti» avtojolynyń 1066–1135 shaqyrym aralyǵy (Molodejnyı kenti – Pavlodar oblysynyń shekarasy);
- «Qalqaman – Baıanaýyl – Úmitker – Botaqara» avtojolynyń 231–324 shaqyrym aralyǵy (Pavlodar oblysynyń shekarasy – Botaqara kenti);
Abaı oblysy
- Respýblıkalyq mańyzy bar «QHR shekarasy – Maıqapshaǵaı – Zaısan qalasy aınalma jolymen – Qalbataý – Semeı – Pavlodar – RF shekarasy (Ýrlıýtıýbe ó/p)» avtojolynyń 587–733 shaqyrym aralyǵynda (Pavlodar oblysynyń shekarasy – Semeı qalasy).
Joldy 2026 jyly 21 qazan saǵat 06:00-de ashý josparlanǵan.
