«Qazavtojol» termınalynda jaıaý adamdy kólik qaǵyp, mert boldy
KÓKShETAÝ. QazAqparat – Aqmola oblysynda Nur Sultan-Şýchınsk tasjolynyń boıyndaǵy «Qazavtojol» AQ termınalynda er adamdy kólik qaǵyp, mert boldy, dep habarlaıdy QazAqparat tilshisi.
«Býrabaı aýdandyq PB kezekshilik bólimine «Qazavtojol» AQ termınalynda jaıaý er adamdy kólik qaǵyp ketip, onyń kóz jumǵandyǵy týraly telefon arqyly aqparat tústi. Kólik apatynan kóz jumǵan adamnyń Kókshetaý qalasynyń 1966 jyly týǵan turǵyny ekeni anyqtaldy», - dep túsindirdi QazAqparat tilshisiniń saýalyna Aqmola oblystyq PD baspasóz qyzmetindegiler.
Vedomstvodan atap ótkendeı, kólik júrgizýshisi ustalyp, ýaqytsha ustaý oqshaýlaǵyshyna qamaldy.
«Qazirgi kezde, osy oqıǵaǵa baılanysty QR QK 345-babynyń 3 bóligi boıynsha (kólik quraldaryn basqarýshy, tulǵanyń jol qozǵalysy jáne kólik quraldaryn paıdalaný erejesin buzý) sotqa deıingi tergeý amaldary júrgizýlde. Ózge aqparattar tergeý múddessi úshin jarııalanbaıdy», - dep tolyqtyrdy vedomstvodan.
