QazAvtoJol Shymkent — Ózbekstan avtojolynda jyldamdyqty tómendetýge keńes berdi
ASTANA. KAZINFORM — Túrkistan oblysyndaǵy Shymkent — Ózbekstan shekarasy baǵytyndaǵy respýblıkalyq mańyzy bar avtojoldyń tsementbeton jabyndysy bar ýchaskesinde profılaktıkalyq jumystar júrgizilip jatyr.
Shymkent — Ózbekstan shekarasy baǵytyndaǵy avtojoldyń tsementbeton jabyndysy bar ýchaskesinde profılaktıkalyq jumystar bastaldy.
«QazAvtoJol» ulttyq kompanııasynyń málimetinshe, jumystar respýblıkalyq mańyzy bar KZ 13-03 «Shymkent — Ózbekstan Respýblıkasynyń shekarasy» avtojolynyń 781+600-shaqyrymynda, Shymkent qalasy baǵyty boıynsha júrgizilip jatyr.
Mamandar tsementbeton jabyndysyndaǵy deformatsııalyq jikterdiń tehnıkalyq jaǵdaıyn tekserip, anyqtalǵan aqaýlardy joıady. Vedomstvonyń túsindirýinshe, jaz mezgilinde aýa temperatýrasynyń joǵarylaýyna baılanysty beton plıtalar keńeıedi. Eger deformatsııalyq jikter ýaqytyly kútip ustalmasa, jol jabyndysynda temperatýralyq ózgerister paıda bolyp, keıbir ýchaskelerdiń kóterilýine sebep bolýy múmkin.
— Osyǵan baılanysty jol qyzmetkerleri deformatsııalyq jikterdi jóndeý jáne olardyń odan ári búlinýiniń aldyn alý jumystaryn júrgizip jatyr. Bul sharalar joldyń paıdalaný sapasyn saqtaýǵa, tsementbeton jabyndysynyń qyzmet etý merzimin uzartýǵa jáne qozǵalys qaýipsizdigin qamtamasyz etýge baǵyttalǵan. Qazir jóndeý júrip jatqan aýmaqta ýaqytsha jol belgileri ornatylǵan, — dep túsindirdi mamandar.
«QazAvtoJol» júrgizýshilerdi jyldamdyqty tómendetip, ýaqytsha jol belgileriniń talaptaryn jáne jol qozǵalysy erejelerin qatań saqtaýǵa shaqyrdy.
Budan buryn Astanada Saýran kóshesiniń bir bóligi bir aıǵa jabylatynyn jazdyq.
