«Qazavtojol»: Respýblıkalyq mańyzy bar joldardyń barlyǵy ashyq
ASTANA. 27 aqpan. QazAqparat - Osy ýaqytta Qazaqstannyń respýblıkalyq mańyzy bar barlyq joldary ashyq. Bul týraly búgin «Qazaqavtojol» RMK-nyń baspasóz qyzmetinen habarlandy.
Boranǵa baılanysty Shyǵys Qazaqstan oblysy aýmaǵyndaǵy birqatar joldardyń ýchaskelerinde kólik qozǵalysy shektelgen bolatyn. Atap aıtqanda, qazirgi kezde "Óskemen-Shemonaıha-RF shekarasy" jolynyń 36-123 shaqyrymyndaǵy «Predgornoe -RF shekarasy» aralyǵy; "Almaty-Óskemen" jolynyń 977-1075 shaqyrymyndaǵy «Qalbataý aýyly-Q.Qaısenov aýyly» aralyǵy; "Óskemen-Semeı" jolynyń 9-198 shaqyrymyndaǵy «Gerasımovka aýyly-Semeı qalasy» aralyǵy; "Semeı-Novoaltaıskıı-RF shekarasy" jolynyń 2-113 shaqyrymy aralyǵy jáne "Semeı-Qaınar" avtojolynyń 8-284 shaqyrymy aralyǵynda kólik qozǵalysy qaıta jandandy.
Budan bólek, Pavlodar oblysy aýmaǵyndaǵy "Ýlıanovsk-Baıanaýyl-Qalqaman" jolynyń 93-324 shaqyrymyndaǵy «Qaraǵandy oblysynyń shekarasy-Qalqaman qalasy» aralyǵynda da jol ashyldy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
