QazAvtoJol: respýblıkalyq joldarda jeńil kólikterdiń júrýine ruqsat berildi

ASTANA. KAZINFORM — 10 jeltoqsan kúni saǵat 03:00–de respýblıkalyq mándegi birqatar avtomobıl joldary ýchaskelerinde jeńil kólik túri úshin qozǵalys qalpyna keltirildi, dep habarlaıdy «QazAvtoJol».

Atap aıtsaq:

Jambyl oblysy: «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 535-593 shaqyrym aralyǵynda (Aısha bıbi aýylynan Túrkistan oblysynyń shekarasyna deıin); 

Túrkistan oblysy:  «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 593-654 shaqyrym aralyǵynda (Jambyl oblysynyń shekarasynan Mashat aýylyna deıin).

Sondaı-aq «QazAvtoJol» UK» aktsıonerlik qoǵamy 1403 baılanys ortalyǵyna habarlasyp, táýlik boıy qosymsha aqparat alýǵa bolatynyn habarlady.

Budan bólek, ulttyq kompanııanyń baspasóz qyzmeti Jambyl oblysynda respýblıkalyq avtojoldarda qysqy kútip-ustaý jumystary júrgizilip, jolshylar joldyń boıyn qardan tazalap, kóktaıǵaqqa qarsy materıaldar seýip jatqanyn jetkizdi. 

Aıta keteıik, buǵan deıin aýa raıyna baılanysty respýblıkalyq avtojoldarda kólik qozǵalysy shektelgenin jazdyq. 

Sondaı-aq kún raıynyń buzylýyna baılanysty 9 jeltoqsan túngi saǵat 23:00–den bastap Jambyl oblysymen shekaralas Túrkistan oblysy Mashat aýyly (593-654 km) jol ýchaskesinde júk kólikteriniń qozǵalysyna shekteý engizildi.