«QazAvtoJol» ókilderi Qostanaı-Nur-Sultan jolyn keńeıtýge qatysty pikir bildirdi
Kompanııa baspasóz qyzmetiniń málimetinshe, Qostanaıda, sondaı-aq Áýlıekól, Fedorov, Qarabalyq, Qarasý jáne Qostanaı aýdandarynda ótken tyńdaý barysynda «Qazavtojol» ulttyq kompanııasynyń ókilderi atalǵan joldar 2-tehnıkalyq sanatqa jatatynyn, sondyqtan jeńil avtomobılderdiń júrýi tegin bolyp qala beretinin habarlady.
Kompanııa mamandary respýblıkalyq mańyzy bar Qostanaı – Nur-Sultan tas jolyn keńeıtý múmkindigine qatysty halyqtyń suraǵyna jaýap berdi. Azamattardyń aıtýynsha, osy tar jolmen aýyr júk kólikteri jıi júredi. Sonyń saldarynan aımaqta jol apaty kóp bolady.
«Qazavtojol» kompanııasynyń ókilderi eger osy jol arqyly ótetin kólik aǵyny 30%-dan asatyn bolsa, jol eki ese keńeıtiledi dep málimdedi.
«Avtomobıl joldarynyń memlekettik standartyna (QR ST 2025-2010) sáıkes, tórt jolaqty jol táýligine qarqyny 7 myńnan astam kólik júrip ótetin 1-tehnıkalyq sanatqa jatady. Qazirgi ýaqytta Qostanaı – Nur-Sultan avtojolynyń júktemesi táýligine 5 myń avtomobılden aspaıdy. Bul 2 nemese 3-sanattaǵy eki jolaqty jolǵa qoıylatyn talaptarǵa sáıkes keledi. Sondyqtan, qosymsha jolaqtar salý týraly sheshim qabyldaý úshin kórsetilgen ýchaskedegi qozǵalys qarqyndylyǵy kem degende 30%-ǵa artýy kerek», - dep túsindirdi ulttyq kompanııa mamandary.
Aıta ketý kerek, tyńdaý barysynda jergilikti turǵyndar «QazAvtoJol» basshylyǵyna joldaǵan usynystaryn hattamaǵa engizýdi talap etti. Atap aıtqanda, oblys aýymaǵynda aýyl sharýashylyǵy tehnıkasynyń, kommýnaldyq qyzmet pen azyq-túlik taýarlaryn tasymaldaıtyn jáne basqa da jergilikti júk kólikteriniń aqyly joldarmen tegin júrýin qarastyrýdy surady.
Halyqtyń pikirinshe, mundaı jeńildik kommýnaldyq qyzmetter men azyq-túlik baǵasynyń kúrt ósýine tosqaýyl bolady.
