QazAvtoJol «Nur-Sultan – Şýche» aqyly jolyndaǵy aqaýǵa qatysty túsinik berdi

KÓKShETAÝ. QazAqparat – «QazAvtoJol» UK» AQ respýblıkalyq mańyzdaǵy «Nur-Sultan – Şýche» aqyly avtomobıl jolyndaǵy aqaý týraly túsinik berdi, dep habarlaıdy QazAqparat tilshisi vedomstvoǵa silteme jasap.

«QazAvtoJoldyń» málimetinshe, respblıkalyq mańyzdaǵy «Nur-Sultan – Şýche» aqyly avtomobıl jolyn paıdalaný kezinde Aqmola oblysynyń Shortandy kentinen 75 shaqyrym tusynda joldyń metall plıtasynyń ashylýy túrinde aqaý paıda bolǵan.

«QazAvtoJol» UK» AQ, Aqmola oblysynyń Shortandy aýdandyq TJB birlesip komıssııa quryp, joldyń aqaý shyqqan jerin tekserdi. Komıssııa joldyń osy tusynda avtokóliktiń barlyq túrine ýaqytsha qozǵalysyna shekteý qoıdy. Kólikter Myqtykól jáne Damsa aýyldary tusyndaǵy aınalma jol arqyly ótýde. Anyqtalǵan aqaý qysqa merzim ishinde joıylady», delingen kompanııa habarlamasynda.

Aıta keteıik, áleýmettik jeli arqyly atalmysh joldyń asfalt tósendisi kólikter ótken kezde shaıqalyp turǵandyǵy týraly vıdeojazba taraǵan bolatyn.