QazAvtoJol qubylmaly aýa raıyna baılanysty úndeý joldady

«Respýblıkalyq mańyzy bar avtomobıl joldarynda patrýldeý jumystary kúsheıtildi. QazAvtoJol bólimsheleri táýlik boıy, eki aýysymda jumys isteýde.
24 aqpan kúni saǵat 13.30-da jańartylǵan aqparatqa sáıkes 6 óńirde aýa raıynyń nasharlaýyna baılanysty respýblıkalyq mańyzy bar avtojoldardyń 23 ýchaskesi áli de jabyq tur. Jol qozǵalysy shektelgen tasjol ýchaskeleriniń jalpy uzyndyǵy 2 450 shaqyrymdy quraıdy. Bul respýblıkalyq mańyzy bar avtojoldar jelisiniń 10%-y.
Osyǵan baılanysty Ulttyq operator aýa raıynyń qolaısyzdyǵy týraly habarlamalardy nazardan tys qaldyrmaýǵa shaqyrady. Jolǵa shyqpas buryn aýa raıy boljamyn naqtylaý qajet. Jabyq kúre jol ýchaskelerine shyǵýǵa tyıym salynǵanyn eskergen abzal.
Respýblıkalyq mańyzy bar avtojoldardyń jabylýy týraly aqparatty QazAvtoJoldyń biryńǵaı táýlik boıy jumys isteıtin 1403 koll-ortalyǵyna qońyraý shalý arqyly bilýge bolady.
Budan basqa, respýblıkalyq mańyzy bar avtojoldardyń Ulttyq operatorynyń resmı saıtynda siltemesi arqyly sıtýatsııalyq karta qoljetimdi», - delingen úndeýde.