QazAvtoJol kompanııasy senator Andreı Lýkınniń synyna jaýap berdi
Aıta keteıik, buǵan deıin senator Andreı Lýkın óziniń depýtattyq saýalynda QazAvtoJol bir kózden 8,3 mlrd teńgege kelisimshartty zańsyz jasaǵanyn málimdegen edi.
«Sharttar ýákiletti organ ázirlegen kvazımemlekettik sektor sýbektileri úshin qoldanystaǵy satyp alý qaǵıdalary sheńberinde jasaldy. Máselen, satyp alý qaǵıdalarynyń 287-tarmaǵynda sáıkes, bir kózden satyp alý úshin negiz bolatyn shart jasasýǵa bolady. Tıisinshe, soǵan saı satyp alý júrgiziledi. Jetkizýshilerdi tańdaý kommertsııalyq usynystar negizinde eń tómengi baǵa usynysy boıynsha júzege asyryldy. Eń tómengi baǵa usynǵan jetkizýshilermen shart jasaldy», - dep jaýap berdi kompanııadan QazAqparat tilshisiniń saýalyna oraı.
QazAvtoJoldan atalǵan satyp alýlar kólik joldaryndaǵy qaýipsizdikti qamtamasyz etýge, adamdardyń qaza bolýyna ákep soǵýy múmkin tótenshe jaǵdaılardyń týyndaýyna jol bermeýge baǵyttalǵanyn málim etti.
«Innovatsııalyq tásilderdi qoldanbaı avtojoldardy jobalaý týraly eskertýlerge keletin bolsaq, QazAvtoJol jol qurylysynda jańa tehnologııalardy zerdeleý jáne engizý úshin jumystar júrgizip jatyr. Alaıda, qoǵam saraptama júrgizý kezinde bul qyzmetterdiń aıtarlyqtaı qymbatqa túsýine baılanysty qoldamaıdy. Sonymen qatar, geotekstıldi qoldanǵan kezde jobalardyń quny jalpy jumsalatyn qarajattan 5%-ǵa deıin qymbattaıdy. Máselen, uzyndyǵy 1,5 myń shaqyrymǵa jýyq avtojoldyń jobalyq ýchaskelerine ınnovatsııalyq tehnologııalardy qoldana otyryp jóndeý kezinde baǵa qosymsha 20 mlrd teńgege deıin qymbattaýy múmkin», - dep málimdedi QazAvtoJoldan.
Eske salaıyq, Andreı Lýkın óziniń depýtattyq saýalynda jol salasyna qomaqty bıýdjet qarajaty bólinip jatqanyna qaramastan, kólik ınfraqurylymyn damytý jáne tranzıttik áleýetti arttyrý tıisti deńgeıde emes ekenin aıtqan edi.
