«QazAvtoJol» kompanııanyń jańa Basqarma tóraǵasy taǵaıyndaldy
Berik Qamalıev 1960 jyly 13 qarashada Qaraǵandy oblysynda týǵan. Qaraǵandy polıtehnıkalyq ınstıtýtyn ınjener-qurylysshy mamandyǵy boıynsha, Qaraǵandy memlekettik ýnıversıtetin ekonomıst mamandyǵy boıynsha, sondaı-aq Reseı Federatsııasy Prezıdenti janyndaǵy Reseı memlekettik qyzmet akademııasyn menedjer mamandyǵy boıynsha bitirgen. Eńbek qyzmetin áskerı bólimniń qurylys-montajdyq ýchaskeniń proraby bolyp bastaǵan, 1990 jyldary jeke bızneste, birqatar kompanııalardy basqarǵan. «Qazagropromtehnıka» oblystyq birlestigi tóraǵasynyń orynbasary bolyp qyzmet atqarǵan, 2001-2004 jyldar aralyǵynda Qaraǵandy avtomobıl joldary oblystyq basqarmasynyń bastyǵy, QR Kólik jáne kommýnıkatsııa mınıstrligi Kóliktik ınfraqurylymdy damytý komıteti basshysynyń laýazymdaryn atqarǵan.
2006 jyly Qaraǵandy oblysy ákiminiń orynbasary, odan keıin Qaraǵandy oblysy ákiminiń birinshi orynbasary bolyp taǵaıyndalǵan. 2009 jyldyń basynan bastap «Sary Arqa» áleýmettik-kásipkerlik korporatsııasy basqarmasynyń tóraǵasy qyzmetinde boldy. 2010 jylǵy sáýirde QR Indýstrııa jáne jańatehnologııalar vıtse-mınıstri, 2011 jyldyń sáýirinen bastap QR Kólik jáne kommýnıkatsııa mınıstri bolyp qyzmet etse, 2012 jyldan bastap QR Premer-Mınıstri keńesshisi bolyp taǵaıyndalǵan.
Ekonomıka ǵylymdary kandıdaty ǵylymı dárejesine ıe. Birqatar ǵylymı basylymdardyń avtory. «Qurmet» ordenimen marapattalǵan. Eske sala keteıik, «QazAvtoJol» UK» AQ Basqarmasynyń burynǵy tóraǵasy basqa jumysqa taǵaıyndalýyna oraı laýazymynan bosatylǵan bolatyn.
