«QazAvtoJol»: kóktaıǵaq saldarynan kólikterdiń jol jıegine shyǵyp ketýi jıiledi

ASTANA. KAZINFORM — «QazAvtoJol» ulttyq kompanııasy elimizdegi aýa raıynyń kúrt nasharlaǵanyna baılanysty júrgizýshilerge jolda abaı bolý kerektigi jóninde eskertý jasady.

«QazAvtoJol» ulttyq kompanııasy 1403 baılanys ortalyǵyna júrgizýshilerden kóktaıǵaqtan joldyń shetine shyǵyp ketkeni týraly habarlamalar jıi túsip jatqanyn habarlap, jazǵy shınalarmen jolǵa shyqpaý kerektigin eskertti. 

Kompanııanyń jolshy mamandary shuǵyl túrde járdem kórsetip jatqanyn da atap ótti. 

«Qylyshyn súıretip qys keldi. Endi jolǵa jazǵy shınalarmen shyqpańyzdar. Tezirek qysqy dóńgelekterge aýystyryńyzdar. Bul sizderdiń jáne basqa jol paıdalanýshylardyń qaýipsizdigi úshin mańyzdy! 1403 baılanys ortalyǵy sizder úshin táýlik boıy qyzmet kórsetedi», delingen ulttyq kompanııanyń resmı habarlamasynda.

Eske sala ketsek, búgin túnde eki óńirde aýa raıyna baılanysty kólik qozǵalysy jyldamdyǵyna shekteý engizildi. «QazAvtoJol» Aqmola jáne Qaraǵandy oblystaryndaǵy joldarda aýa raıyna baılanysty jyldamdyqty arttyrmaý týraly eskertti.