QazAvtoJol KazToll atynan taralǵan jalǵan habarlamalar týraly eskertti

«QazAvtoJol» ulttyq kompanııasy» avtomobıl joldaryn paıdalanýshylarǵa KazToll qyzmetiniń atynan alaıaqtyq habarlamalar taratylyp jatqany týraly eskertti.

— Sońǵy ýaqytta júrgizýshilerge aqyly joldarmen júrgeni úshin bereshekti óteý qajet degen mazmundaǵy SMS-habarlamalar kele bastaǵan. Mundaı habarlamalarda kúmándi siltemeler, sonyń ishinde KazToll-dyń resmı resýrsyna uqsas jalǵan saıttar kórsetiledi.

Aqy alý júıesiniń resmı saıty — kaztoll.kz jáne osyǵan uqsas ózge de ınternet-resýrstar KazToll qyzmetine jáne «QazAvtoJol» ulttyq kompanııasyna esh qatysy joq, — delingen habarlamada.

Mundaı siltemelerge ótý jeke derekterdiń, bank kartasy týraly aqparattyń jáne qarajattyń urlanýyna ákelýi múmkin.

Júrgizýshilerden tsıfrlyq qaýipsizdik erejelerin saqtaýdy suraımyz:

— kúmándi SMS-habarlamalar men messendjerlerdegi siltemelerge ótpeńiz;
— belgisiz saıttarǵa bank kartasynyń derekterin, JSN, qupııasózderdi jáne SMS-kodtardy engizbeńiz;
— tólem jasamas buryn saıt mekenjaıyn mindetti túrde tekserińiz;
— jol júrý aqysyn tek resmı kaztoll.kz saıty arqyly tóleńiz;
— kúmándi habarlama alǵan jaǵdaıda oǵan jaýap bermeńiz jáne jeke derekterińizdi jibermeńiz;
— qajet bolǵan jaǵdaıda aqparatty tek «QazAvtoJol» ulttyq kompanııasynyń resmı derekkózderi jáne 1403 baılanys ortalyǵy arqyly naqtylańyz.

— «QazAvtoJol» ulttyq kompanııasy azamattardy muqııat bolýǵa jáne belgisiz jiberýshilerden kelgen habarlamalarǵa senbeýge shaqyrady. Aqyly joldarǵa qatysty barlyq resmı habarlamalar men aqparat tek kompanııanyń resmı resýrstarynda jarııalanady, — delingen habarlamada.

Aıta ketelik «QazAvtoJol» tsementbeton plıtalaryndaǵy deformatsııa qaýpi bar 31 ýchaskeni anyqtaǵan edi.