«QazAvtoJol» qazaqstandyqtarǵa eskertý jasady
NUR-SULTAN. QazAqparat - «QazAvtoJol» aýa raıynyń qolaısyzdyǵyna baılanysty qazaqstandyqtarǵa eskertý jasady, dep habarlaıdy QazAqparat.
«4-8 aqpan aralyǵynda aýa raıynyń qolaısyz jaǵdaılaryna, atap ótkende, qalyń qar, burqasyn, qar aralas jańbyr men kók taıǵaqtyń boljanýyna baılanysty jáne tótenshe jaǵdaıdyń aldyn-alý maqsatynda alys saparǵa shyǵýdan bas tartýǵa keńes beremiz. Jolǵa shyqqan jaǵdaıda, qaýipsiz marshrýtty tańdaý, jol erejelerin saqtaý, qaýipsiz ara qashyqtyq pen jyldamdyqty ustaný qajettiligi týraly eskertemiz», - delingen habarlamada.
Kez-kelgen kúrdeli jaǵdaıda «QazAvtoJol» UK» AQ-nyń 1403 nómirindegi baılanys ortalyǵyna nemese 102, 112 nómirindegi tótenshe qyzmetke habarlasýǵa bolady.