«Qazavtojol» fılıalynyń burynǵy basshysy men orynbasary qamaýǵa alyndy
«Aqtaý qalalyq mamandandyrylǵan tergeý sotynyń 2019 jylǵy 19 maýsymdaǵy úkimimen Mańǵystaý oblysy boıynsha jemqorlyqqa qarsy qyzmetiniń «Qazavtojol» UK» AQ Maǵńǵystaý oblystyq fılıalynyń dırektory men onyń orynbasaryn eki aı «qamaýda ustaý» túrindegi bultartpaý sharasyn sanktsııalaý týraly ótinimi qanaǵattandyryldy», - dep málim etti Mańǵystaý oblystyq sotynyń baspasóz qyzmetinen.
Mekeme basshylyǵy QR QK-niń 366-baby (para alý), sondaı-aq 189-baby (senip tapsyrylǵan ózgeniń múlkin ıemdený nemese talan-tarajǵa salý) boıynsha aıyptalýda.
Eske salaıyq, «Qazavtojol» UK» AQ Mańǵystaý oblystyq fılıalynyń dırektory men onyń orynbasary bıylǵy maýsym aıynda ustalǵan bolatyn.
Olar Mańǵystaý oblysyndaǵy avtojoldardyń qurylysy kezinde oryndalǵan jumys týraly qujattarǵa kedergisiz qol qoıǵany úshin merdiger uıymdardan júıeli túrde 6 mln teńge para aldy degen kúdikke ilindi. Tergeý nusqasyna saı, atalǵan top oryndalǵan jumys týraly jalǵan qujattardy toltyrý arqyly 500 mln teńge kólemindegi bıýdjet qarajatyn jymqyrǵan.