QazAvtoJol eki oblysta kólik qozǵalysy shekteletinin eskertti

ASTANA. KAZINFORM — QazAvtoJol júrgizýshilerge Qazaqstannyń eki oblysyndaǵy jolda aýa raıynyń nasharlaıtynyn eskertti.

— 12 qazanda aýa raıynyń kúrt nasharlaýyna baılanysty «QHR shekarasy — Maıqapshaǵaı — Qalbataý — Semeı — Pavlodar — Reseı shekarasy» respýblıkalyq mańyzy bar avtomobıl jolynyń ýchaskelerinde kóliktiń barlyq túrleriniń qozǵalysyna shekteýler engizildi», — delingen habarlamada.

Pavlodar oblysy Kenjekól aýylynan Abaı oblysy shekarasyna deıingi 427-587 shaqyrym aralyǵynda shekteý qoıylǵan. Sondaı-aq Pavlodar oblysy men Semeı qalasyna deıingi 587 shaqyrymnan 733 shaqyrymǵa deıingi aralyqta ýaqytsha jol qozǵalysy shekteledi.

Eki ýchaskede de jol búgin tańǵy saǵat 07:00–de ashylýy múmkin.

Aıta keteıik, QazAvtoJol jaýynnan keıingi jol nege qaýipti bolatynyn aıtty.