«QazAvtoJol» birneshe óńirdiń júrgizýshilerine eskertý jasady

ASTANA. KAZINFORM — Sınoptıkterdiń boljamyna sáıkes, túngi jáne tańerteńgi ýaqyttarda Soltústik Qazaqstan, Aqmola, Qaraǵandy jáne Abaı oblystarynda tuman túsip, keı jerlerde kóktaıǵaq kútiledi. Osyǵan baılanysty «QazAvtoJol» kompanııasy júrgizýshilerdi saq bolýǵa shaqyrdy.

— Júrgizýshilerden jolda asa muqııat bolýdy, jyldamdyq rejımi men araqashyqtyqty qatań saqtaýdy, qozǵalys baǵytyn aldyn ala josparlaýdy jáne asa qajettilik bolmasa saparǵa shyqpaýdy suraımyz. Dóńgelekterdiń jaı-kúıine erekshe kóńil bólgen jón. Eger kólikte áli jazǵy shına turǵan bolsa, kóktaıǵaqta basqarý qıyndap, jol-kólik oqıǵalarynyń oryn alý qaýpi edáýir artady, — delingen habarlamada.

Jol qyzmeti táýlik boıy jumys isteıdi, sondaı-aq joldardyń jaı-kúıi men aýa raıy týraly ózekti aqparatty 1403 baılanys ortalyǵynan bilýge bolatynyn eske saldy.

Al, jaýynnan keıingi jol nege qaýipti ekenin myna siltemeden oqyńyz.