QazAvtoJol bıyl qandaı jobalardy qolǵa alady
ASTANA. KAZINFORM — «QazAvtoJol» UK» AQ bıyl uzyndyǵy 96 shaqyrym bolatyn 2 jobany iske asyrýdy josparlap otyr.
«QazAvtoJol» UK» AQ 2024 jyly uzyndyǵy 96 shaqyrym bolatyn «Aqtóbe-Ulǵaısyn» (56 shaqyrym) jáne «Jazqazǵan-Qaraǵandy» (40 shaqyrym) jobalaryna kirisýdi josparlap otyr.
«Olardyń qazirgi ýaqytta jobalyq-smetalyq qujattamasy bar dese de bolady. „Jezqazǵan-Qaraǵandy“ jobasy boıynsha 2 ýchaskege (40 shaqyrym) „Memsaraptama“ RMK saraptamasy alyndy. Merdiger uıymdy anyqtaý úshin tenlerlik qujattama ázirlenip jatyr. Bıylǵa qurylys-montajdaý jumystaryn bastaý úshin 20 mlrd teńge bólingen», — delingen atalǵan kompanııanyń agenttik saýalyna bergen jaýabynda.
Al «Aqtóbe-Ulǵaısyn» jobasynyń 2 ýchaskesine saraptama qorytyndysy alynyp, tender jarııalanǵan.
2024 jyly 3 qańtarda ótinimderdi ashý rásimi ótti. Qazirgi ýaqytta ótinimder qarastyrylyp jatyr.
«763-791 shaqyrymdy qamtıtyn 1 ýchaske boıynsha qaraý qorytyndysyn kútip otyrmyz. 2024 jylǵa qurylys-montajdaý jumystaryn bastaýǵa 16 mlrd teńge bólinip otyr», — dedi kompanııadan.
