«Qazavtojol» basshylaryna 20 mln teńge negizsiz tólengen

ASTANA. QazAqparat – «QazAvtoJol» ulttyq kompanııasy» aktsıonerlik qoǵamynyń basqarma tóraǵasyna, basqarma músheleri men korporatıvtik hatshyǵa, ishki aýdıt qyzmet basshysyna 20,6 mln teńge negizsiz tólengen. Joǵary aýdıtorlyq palatanyń 2022 jylǵy jumystarynyń qorytyndysynda osyndaı derek keltirilgen, dep habarlaıdy QazAqparat tilshisi.

«Joǵaryda kórsetilgen kemshiliktermen qatar «QazAvtoJol» ulttyq kompanııasy» aktsıonerlik qoǵamynda jáne onyń fılıaldarynda anyqtalǵan jekelegen zań buzý derekteri bar. Investıtsııalyq jobalardy iske asyrý kezinde zańnamanyń talaptaryna sáıkes kelmeıtin jol-qurylys materıaldaryn paıdalaný derekteri kezdesken. Sondaı-aq talap etilmegen jobalaý-smetalyq qujattamalar (jalpy somasy 595,3 mln teńge) ázirlegen. Mysaly, «Úsharal-Dostyq 2,9-30 ýchaske» avtojolyn rekonstrýktsııalaý kezinde Sapa ortalyǵy jol-qurylys materıalynyń qurylys normalaryna sáıkes kelmeıtin 51 qaıshylyq anyqtady», - dep jazady palata mamandary.

Táýelsiz uıymdardyń korporatıvtik basqarý júıesin baǵalaý tártibiniń bolmaýy da «Qazavtojolǵa» bólingen qarajattyń tıimsiz ıgerilmeýine jol ashqan.

«Qazavtojol» UK» AQ basshy quramyna (Basqarma tóraǵasyna, múshelerine, korporatıvtik hatshyǵa, ishki aýdıt qyzmeti basshysyna) somasy 20,6 mln teńgege jasalǵan negizsiz tólemder júrgizililgen», - delingen resmı aqparatta.