QazAvtoJol aqyly joldarda SMS-habarlama qyzmetin iske qosty

ASTANA. QazAqparat - QazAvtoJol aqyly joldarda SMS-habarlama qyzmetin iske qosqanyn málimdedi, dep habarlaıdy QazAqparat.

Aqyly jol paıdalanýshylaryn ýaqtyly habardar etý úshin QazAvtoJol ulttyq kompanııasy SMS-habarlama qyzmetiniń pılottyq jobasyn iske qosty. Aqyly jolǵa alǵash ótken kezde avtokólik ıesi SMS-habarlama alady. Habarlamada tólem ádisteri týraly silteme de qarastyrylǵan.

SMS-habarlama ashyq júıe iske qosylǵan jeti aqyly joldan ótken kezde keledi. Olardyń qatarynda Astana-Pavlodar, Shymkent-Qyzylorda, Shymkent-Tashkent, Shymkent-Taraz, Taraz-Qaınar, Qonaev-Taldyqorǵan jáne Şýchınsk-Kókshetaý kúre joldary bar.

Shlagbaýmdar qarastyrylǵan ýchaskelerden ótken kezde («Astana-Şýchınsk»,«Astana-Temirtaý»,«Almaty-Qonaev»,«Almaty-Qorǵas») SMS-habarlama kelmeıdi.

Esterińizge sala keteıik, elimizde jalpy uzyndyǵy 2,200 shaqyrymdy quraıtyn 11 aqyly jol bar.