QazAvtoJol Aqtóbe oblysyndaǵy sý shaıǵan tasjolǵa qatysty jaǵdaıdy túsindirdi
NUR-SULTAN. QazAqparat – QazAvtoJol ulttyq kompanııasynyń basqarma tóraǵasy Meıirhat Qasymbaev taıaýda Aqtóbe oblysynda tasyǵan sý respýblıkalyq mańyzy bar joldy shaıyp ketý jaǵdaıyna qatysty túsinik berdi, dep habarlaıdy QazAqparat tilshisi.
«Iá, Aqtóbedegi jaǵdaımen tanyspyz. Bir aıta keterligi, sý jaryp ketken jol sol qaıta jóndeýden ótip jatyr. ıAǵnı atalǵan tasjol áli paıdalanýǵa berilmegen. Qazir tasjoldy jóndeýdiń jobalyq-smetalyq josparyn ózgertip, qubyrlaryn aýystyryp jatyrmyz. Aldaǵy ýaqytta tótenshe jaǵdaı qaıtalanbaıdy degen oıdamyz. Jalpy baıqam boıynsha sońǵy jyldary Aqtóbe oblysynda mundaı kólemdegi iri kólemde sý tasqyny bolmaǵan», - dep jaýap qatty Meıirhat Qasymbaev Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, osy kóktemde Aqtóbe oblysy aýmaǵynda 3 jol ýchaskesin sý shaıyp ketti.
«Qazirgi ýaqytsha sý basqan jol ýchaskeleri qaıta jóndeýden ótip jatyrǵanyn eske salamyn. ıAǵnı qoldanystaǵy joldar emes. Sonymen qatar jańadan salynǵan jáne jóndeýden ótken tasjoldyń sapasyna alǵashqy 5 jyl merdiger kompanııa jaýapty», - deıdi ol.
Eske sala ketsek, osydan birer kún buryn Aqtóbe oblysynda tasyǵan sý respýblıkalyq mańyzy bar joldy jyryp ketti .
