QazAvtoJol 8 oblystyń júrgizýshisine úndeý jasady

ASTANA. KAZINFORM — Búgin keshke birqatar aımaqqa qar aralas jańbyr jaýyp, qar túsetinine baılanysty qolaısyz aýa raıy boljanyp otyr. Joldaǵy qaýipsizdik máselesin alǵa tartyp, «QazAvtoJol» UK» jolaýshylardy saq bolýǵa shaqyrdy.

— 3 qarasha kúni keshke Abaı, Aqmola, Almaty, SQO, Qaraǵandy, Qostanaı, Pavlodar, ShQO jáne Ulytaý oblystarynyń keı jerlerinde qar aralas jańbyr men qar jaýady.  Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — dep jazdy «QazAvtoJol» UK» AQ baspasóz qyzmeti.

1403 baılanys ortalyǵyna habarlasyp, táýlik boıy qosymsha aqparat alýǵa bolatynyn eske salamyz.  

Aıta keteıik, búgin qolaısyz aýa raıyna baılanysty Aqmola oblysynda joldaǵy jyldamdyqqa shekteý engizilgen bolatyn.