QazAvtoJol: 1403 baılanys ortalyǵy 17 myńnan astam ótinimdi óńdedi

ASTANA. KAZINFORM — 27 sáýirden 4 mamyrǵa deıingi aralyqta 1403 baılanys ortalyǵynyń operatorlary respýblıkalyq joldarǵa qatysty 17 myńnan astam ótinimdi qabyldap, óńdedi. Bul týraly «QazAvtoJol» ulttyq kompanııasy málim etti.

— Baılanys ortalyǵynyń bazasynda azamattarǵa qolaıly ári jedel aqparat berý úshin ınteraktıvti daýystyq menıý (IVR) júıesi iske qosyldy. Osy júıeniń kómegimen 2 702 ótinim operatorlardyń qatysýynsyz avtomatty túrde óńdelse, operatorlar 11 679 qońyraýǵa jaýap berdi, — delingen habarlamada.

Respýblıkalyq joldarǵa qatysty eń kóp habarlamalar Aqmola, Qyzylorda jáne Túrkistan oblystarynan kelip tústi. Barlyq ótinimder reglamentke sáıkes ýaqtyly oryndaldy. 

Buǵan deıin habarlanǵandaı, bıyl joldardy jóndeýge 781 mıllıard teńge qarastyrylǵan. Bul týraly «QazAvtoJol» AQ basqarma tóraǵasy Darhan Imanashev málimdegen bolatyn.