QazAvtoJol 11 oblystyń júrgizýshilerine eskertý jasady

ASTANA. KAZINFORM – 2025 jylǵy 4 qarasha kúni elimizdiń birqatar óńirinde aýa raıynyń nasharlaýyna baılanysty júrgizýshilerge jolda abaı bolý eskertiledi.

- Abaı, Aqmola, Almaty, Jambyl, Jetisý, Soltústik Qazaqstan, Túrkistan, Qaraǵandy, Pavlodar, Shyǵys Qazaqstan jáne Ulytaý oblystarynyń keı jerlerinde qar aralas jańbyr men qar jaýady.

Osyǵan baılanysty júrgizýshilerge jyldamdyq rejımin jáne araqashyqtyqty qatań saqtaý, joldardaǵy kóktaıǵaq pen tómen kóriný jaǵdaılaryn eskerý usynylady, - delingen QazAvtoJol habarlamasynda.

Qosymsha aqparatty táýlik boıy jumys isteıtin 1403 baılanys ortalyǵynan alýǵa bolady.

Aıta keteıik, buǵan deıin vedomstvo kóktaıǵaq saldarynan kólikterdiń jol jıegine shyǵyp ketýi jıilegenin málimdegen.