Jyl basynan beri aqyly joldardan 79 mlrd teńge tústi — Darhan Imanashev
ASTANA. KAZINFORM — «QazAvtoJol» ulttyq kompanııasy» aktsıonerlik qoǵamynyń basqarma tóraǵasy Darhan Imanashev aqyly joldardan túsken aqshany qaıda jumsap jatqandaryn aıtty.
— 2025 jyly 1700 shaqyrym bolatyn 9 jańa ýchaske aqyly joldarǵa qosyldy. Osylaısha aqyly ýchaskelerdiń jalpy sany 26-ǵa jetip, uzyndyǵy 4900 shaqyrym boldy. 11 aıda aqyly joldardan 79 mlrd teńge tústi, — dedi ol Úkimet otyrysynda.
Kompanııa basshysy túsken qarajat esebinen 4900 shaqyrym aqyly joldy kútip ustalyp, jóndeý jumystary júrgizilgenin aıtady.
— Tólem júıesiniń ınfraqurylymy qalyptastyryldy. 1000 myńǵa jýyq arnaıy tehnıka satyp alynyp, ınvestordyń shyǵyndary tólendi. 1200 qyzmetkerge aılyq tólenip, ózge de ákimshilik shyǵyndary óteldi. 61 myń sharshy metr shuńqyr bitelip, 140 myń jol belgisi ornatyldy, — dedi Darhan Imanashev.
Buǵan deıin QazAvtoJol kompanııasynyń aqyly joldardan alatyn qarajatyn jaýapty organdar jyl saıyn tekseretini aıtylǵan bolatyn.
Sonymen qosa QazAvtoJol bıyl 48 mamanyn 196 mln teńge aıyppulmen jazalaǵany belgili boldy.