«Qazavıanavıgatsııa» RMK bas dırektory men «Azıamegatranzıt» JShS quryltaıshysy qamaýǵa alyndy - Qarjy polıtsııasy
ASTANA. 17 qarasha. QazAqparat /Marlan Jıembaı/ - Azamattyq avıatsııa komıtetiniń burynǵy tóraǵasy, «Qazaeronavıgatsııa» respýblıkalyq memlekettik kásiporynynyń bas dırektory M.Kýbaev men «Azıamegatranzıt» JShS quryltaıshysy Syzdyqov qamaýǵa alyndy.
Bul týraly búgin elordada ótken baspasóz máslıhaty barysynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Resmı ókildiń aıtýynsha, olarǵa azamattyq avıatsııa salasyndaǵy analıtıkalyq zertteýlerge, mınıstrlik qyzmetkerleriniń kásibı deńgeıin joǵarlatý semınarlaryn uıydastyrýǵa jáne eýrostandartqa aýysý kestesin jasaýǵa bólingen 132,5 mln teńgeni urlady degen aıyp taǵylyp otyr. Sondaı-aq Syzdyqovqa «Batys Eýropa - Batys Qytaı» tranzıttik dálizin qaıta qurýdyń tehnıkalyq-ekonomıkalyq negizdemesin jasaýǵa bólingen bıýdjet qarajatyn urlady degen de aıyp taǵylǵan.
«Bul maqsattarǵa 2007 jyly tamyzda 308 mln teńge bólingen. Jobanyń naqty quny 192 mln teńgeni qurady. Tergeý anyqtaǵandaı, 116 mln teńge jalǵan kásiporyndar arqyly aýystyrylyp urlanǵan. Osylaısha mınıstrliktiń laýazymdy tulǵalarymen bıýdjet kólemi qarjylandyrýdy bekitý kezeńiniń ózinde urlanǵan qarajat somasyna qasaqana joǵarylatylǵan», - dedi M.Jumanbaı.
