QazATÝ jataqhanalaryna sandyq televızııa men sandyq telefon jelileri júrgizilmek
ASTANA. 17 mamyr. QazAqparat - Astanadaǵy S. Seıfýllın atyndaǵy Qazaq agrotehnıkalyq ýnıversıtetiniń barlyq jataqhanalary ınternetke jáne sandyq televızııa jelisine qosylady.
Bul týraly búgin «Joǵarǵy bilim júıesindegi ınnovatsııalyq bilim berý tehnologııalary: tájirıbeleri men bolashaǵy» atty respýblıkalyq ǵylymı-ádistemelik konferentsııasynda Astanadaǵy QazATÝ rektory Aqylbek Kúrishbaev málim etti.
Rektordyń aıtýynsha, ýnıversıtet aýmaǵynda stýdentterge arnalǵan 4 jataqhana bar. Sonymen qatar 9 qabatty jańa jataqhana salynýda.
«Stýdentterge qazirgi zamanǵy aqparattyq qyzmetterdi keńeıtý maqsatynda Qazaqtelekommen birlesken joba daıyndaldy. Osy jobaǵa sáıkes tórt stýdenttik jataqhananyń ár bólmesi ınternet jelisine qosylady. Sondaı-aq ınteraktıvtik sandyq teledıdar men telefon qyzmetteri qoljetimdi bolady. Keńjolaqty ınternetti paıdalanýdyń jalpy jyldamdyǵy 16-dan 50-ge Mbıt/s deıin joǵarylaıdy. Ýnıversıtet osy jobany iske asyrý úshin 45 mln. teńgeden astam qarajat jumsaıdy. Bul joba jańa oqý jylyna deıin júzege asady», - dep atap kórsetti A. Kúrishbaev.
Qazirgi ýaqytta munda 9 myńnan astam stýdent pen magıstr bilim alýda. 66 ǵylym doktory, 272 ǵylym kandıdaty
