QazATÝ úsh tildi oqytý júıesin 48 mamandyq boıynsha engizip otyr - rektor
ASTANA. QazAqparat - QazATÝ úsh tildi oqytý júıesin 48 mamandyq boıynsha engizip otyr. Bul týraly ýnıversıtet rektory Aqylbek Kúrishbaev málim etti.
«Jumys berýshilerdiń usynystary men pikirleri negizinde ýnıversıtettiń bilim berý baǵdarlamasyna 200-ge tarta jańashyldyq engizildi. Tájirıbeden ótý merzimi 3 aıdan 8 aıǵa ulǵaıtyldy, 82 pán boıynsha dýaldy oqytý engizilgen. 48 mamandyq boıynsha úsh tildi oqytý júrip jatyr», - dedi ol búgin QR Premer-Mınıstriniń orynbasary Darıǵa Nazarbaevamen bolǵan kezdesýinde.
Sonymen qatar, onyń sózine qaraǵanda, Kalıfornııa ýnıversıtetimen birge QazATÝ-dyń damý strategııasy jasaqtalýda. Sondaı-aq ýnıversıtettiń aýmaǵynda tájirıbe alýǵa jáne túrli zertteýler jasaýǵa múmkindik beretin tájirıbelik sharýashylyq ashylǵan.
«Sońǵy 4 jylda ýnıversıtettiń ǵylymı zertteýlerdi qarjylandyrýy 6 esege ósken. 2015 jyly ýnıversıtet túlekteriniń 82 paıyzy jumyspen qamtylǵan. Bul kórsetkish Qazaqstan JOO-ry arasynda eń úzdik kórsetkish bolyp tabylady», - dedi A.Kúrishbaev.
