QazATÝ rektory ǵylymı zertteýlerge bólinetin qarajattyń jetispeıtindigin málim etti
ASTANA. QazAqparat - QR Premer-Mınıstriniń orynbasary - Aýyl sharýashylyǵy mınıstri Asqar Myrzahmetov S.Seıfýllın atyndaǵy Qazaq Agro-Tehnıkalyq ýnıversıtettiń ujymymen kezdesti, dep habarlaıdy QazAqparat.
«Sońǵy bes jylda ǵylymı zertteýlerge bólinetin qarajat kólemi artqany málim. Búginde bizdiń oqytýshylardyń 40 paıyzy ǵylymmen aınalysýda. Bul bizdiń oqytýshylardyń ashyq baıqaýda jeńip alǵan QR BǴM granttary ekenin atap ótkim keledi. Biraq, ókinishke oraı, 212 qoldanbaly zertteý baǵdarlamalarynyń, ıaǵnı 4,2 mlrd teńgeniń tek 55 mıllıon teńgesin, 1 paıyzyn ǵana Ulttyq agrarlyq ǵylymı-aǵartý ortalyǵy bóldi», - dedi JOO rektory Aqylbek Kúrishbaev.
Onyń sózinshe, ýnıversıtettiń ǵylymı maqalalary halyqaralyq basylymdarda jarııalanýda.
«Oqytý baǵdarlamalarynyń 58 paıyzy úsh tilde - qazaq, orys jáne aǵylshyn tilderinde oqytylady. Jyl saıyn Eýropa men AQSh-tyń 20-dan astam professorlary bizdiń stýdentterge dáris oqıdy. Oqytýshylardyń 43 paıyzy «Bolashaq» baǵdarlamasymen shetelde oqyp kelgender. 18 paıyzy - Kalıfornııa ýnıversıtetinde tájirıbe jetildirdi. Olardyń 12 paıyzy qazir aǵylshyn tilin jetik meńgergen», - dedi rektor.
