Qazatomónerkásiptiń ekonomıka jónindegi bas dırektory qyzmetinen ketti
ASTANA. KAZINFORM — «Qazatomónerkásip» ulttyq kompanııasy» AQ basqarma quramynda ózgeris boldy. Bul jaıynda kompanııanyń baspasóz qyzmetinen habarlandy.
Basqarma múshesi, aktsıonerlik qoǵamnyń ekonomıka jáne qarjy jónindegi bas dırektor Sultan Temirbaev 2024 jylǵy 19 tamyzdan bastap jumystan ketý jóninde sheshim qabyldaǵan.
Sultan Temirbaev bul qyzmetke byltyr tamyzda kirisken edi.
Qajetti korporatıvtik rásimder júrgizilgennen keıin bul laýazymǵa Marat Tólebaev taǵaıyndalady dep kútilip otyr.
«Tólebaev myrzanyń 18 jyldyq jumys tájirıbesi bar, onyń ishinde Qazatomónerkásipte túrli laýazymdarda 10 jyl eńbek etken. Tólebaev myrza korporatıvtik basqarý departamentin 2014 jyldan 2017 jylǵa deıin 2017 jyly kompanııanyń ekonomıka jáne bıýdjetteý departamentiniń dırektory laýazymyna taǵaıyndalǵanǵa deıin basqardy. Ol kompanııany IPO-ǵa daıyndaýǵa belsendi qatysty jáne ony júzege asyrýda mańyzdy ról atqardy» deıdi kompanııadan.
Marat Tólebaev 2019 jyly kompanııadan ketip, sońǵy ýaqytta Kazakhstan Investment Development Fund basqarma tóraǵasy qyzmetin atqardy.
