Qazatomónerkásip júıesindegi qarjy jymqyrý isi boıynsha tergeý aıaqtalyp, sotqa ótti
ASTANA. KAZINFORM — QMA Almaty oblysy boıynsha departamenti «Qazatomónerkásip» UAK» AQ qurylymyndaǵy negizgi kásiporyn – geologııalyq jumystar men tehnologııalyq burǵylaýǵa jaýapty «Volkovgeologııa» AQ-nyń bıýdjet qarajatyn jymqyrý faktisi boıynsha tergeýdi aıaqtady.
Kompanııanyń burynǵy basqarma tóraǵasy D.N. Moldashı eki jyl boıy oryndalǵan jumystar boıynsha jalǵan aktiler rásimdeletin shemany uıymdastyrǵan.
Atalǵan qujattarda «Kazbýrmash SK» JShS-nen jetkizilmegen qosalqy bólshekter qabyldanǵany týraly jalǵan málimetter kórsetilgen.
Osy jalǵan aktiler negizinde kontragentke 86 mln teńgeden astam soma aýdarylǵan. Keıin bul qarajat zańsyz ıemdelgen.
Tergeý barysynda kúdiktiler keltirilgen materıaldyq shyǵyndy tolyq ótedi.
Qylmystyq is sot qaraýyna joldandy.
Eske sala keteıik, buǵan deıin osy is aıasynda «Volkovgeologııa» AQ fılıalynyń dırektory A.M. Borashev, sondaı-aq «Kazbýrmash SK» JShS basshysy E.S. Alıpbaev pen býhgalter G.J. Tokataeva 3 jyldan 7 jylǵa deıin bas bostandyqtarynan aıyrylǵan bolatyn.
Aıta ketelik Qazatomónerkásiptiń top-menedjeri ýran saýdasy úshin sottaldy.