«Qazatomónerkásip» ýran óndirý kólemin 2017 jylǵy deńgeıge jetkize almaı keledi
ASTANA. KAZINFORM – «Qazatomónerkásip» ulttyq atom kompanııasy Kazinform saýalyna joldaǵan jaýapta keıingi jeti jylda ýran óndirý kólemi qalaı ózgergeni týraly málimet usyndy.
«Qazaqstanda ýrandy negizinen «Qazatomónerkásip» UAK» AQ-nyń kásiporyndary uńǵyma arqyly shaıý tásilimen alady. Kestede 2017-2023 jyldary alynǵan ýran kólemi kórsetilgen», - dep jazady kásiporyn mamandary.
Atalǵan kesteden 2017 jyly kásiporyn 23,4 myń tonnaǵa jýyq ýran óndirse, 2023 jyly 21 myń tonnaǵa jýyq ýran alǵanyn kórýge bolady.
|
Jyl |
2017 |
2018 |
2019 |
2020 |
2021 |
2022 |
2023 |
|
Óndirý kólemi, tonna |
23390,6 |
21699,4 |
22761,1 |
19586,6 |
21834,1 |
21278,9 |
20996,0 |
«Qazaqstanda ýran óndirýmen «Qazatomónerkásipten» bólek «Fırma Balaýsa» JShS aınalysady. Olar ýrandy Qyzylorda oblysyndaǵy ýran-vanadıı kenishinen alady. Mundaǵy ýran ilespe ónim ekenin aıtý kerek. Al «TEK Berkýt» JShS Almaty oblysyndaǵy ýran-kómir kenishin ıgerip jatyr. Munda da ýran ilespe ónim», - dep jazylǵan jaýapta.
