«QazAtomÓnerkásip» Rýandadaǵy ken ornyna nege qyzyǵyp otyr
ASTANA. KAZINFORM — «QazAtomÓnerkásip» ulttyq atom kompanııasy keleshekte Óskemendegi tantal men berıllıı óńdeıtin zaýytqa shıkizatty Afrıka men Aýǵanstannan jetkizýi múmkin. «Samuryq-Qazyna» qorynyń qoǵamdyq keńes otyrysynda kásiporyn basshysy Meıirjan ıÝsýpov osyndaı málimet aıtty.
— «QazAtomÓnerkásiptiń» tantal, berılıı, nıobıı sııaqty sırek metall túrlerin óńdeýde belgili bir quzyretteri bar. Biz úshin sırek metaldar men mańyzdy mıneraldar negzigi bıznes bolmaǵanmen Úlbi metallýrgııalyq zaýyty álem boıynsha berıllıı, tantal, nıobıı shıkizatyn óńdeýdiń tolqy tsıkli bar eń iri kásiporyndardyń biri bolyp otyr. Endi osy metaldardyń shıkizat bazasyn molaıtý kerek. Osy maqsatpen Qazaqstan aýmaǵyndaǵy Nura-Taldy (berıllıı) jáne Joǵarǵy Yrǵyz (tantal), Qarajal (berıllıı) ken oryndaryndaǵy jobalar pysyqtap jatyrmyz. Tantal men berıllıdiń naryqtaǵy baǵasyn eskersek, qazir ol ken oryndaryn ıgerý tıimsiz. Alaıda bul jumystyń negizgi maqsaty — ÚMZ-ni bolashaqta shıkizatpen qamtamasyz etetin qordy qazirden qamdap qoıý, — dedi ol.
Kompanııa osy maqsatpen sheteldegi ken oryndaryn da zerttep jatyr.
— Basym baǵyttardyń qatarynda Rýanda (berıllıı men tantal) jáne Aýǵanstan (berıllıı) bar. Ol kenishterdegi kenniń quramy Qazaqstandaǵy ken oryndarymen salystyrǵanda metalǵa baı. Sáıkesinshe óńdeýdiń rentabeldiligin arttyrady, — dedi «QazAtomÓnerkásip» basshysy.
Sondaı-aq, ol «QazAtomÓnerkásip» Qazaqstan AES-ine ıadrolyq otyn jetkizýshi bolýy kerek degen ustanymyn aıtty.