«Qazatomónerkásip» alty ýchaskede ýran qoryn barlap jatyr
ASTANA. KAZINFORM — Memleket basshysy Qasym-Jomart Toqaev «Qazatomónerkásip» kompanııasynyń basqarma tóraǵasyn qabyldady.
Aqordanyń baspasóz qyzmetiniń habarlaýynsha, Prezıdent Qasym-Jomart Toqaevqa «Qazatomónerkásip» UAK» AQ basqarma tóraǵasy Meıirjan ıÝsýpov kompanııanyń qazirgi qyzmeti jáne strategııalyq mindetterdiń júzege asyrylýy jóninde baıandady.
Memleket basshysyna ýrannyń memlekettik strategııalyq qoryn qurý is-sharalary jóninde málimet berildi.
— Búginde kompanııa jalpy aýdany 1 myń sharshy shaqyrymnan asatyn alty ýchaskede geologııalyq barlaý jumystaryn júrgizip jatyr. Sondaı-aq aýdany 124 sharshy shaqyrym bolatyn perspektıvti Qyzyltý ýchaskesin barlaýdy josparlap otyr. «Qazatomónerkásip» atom salasyndaǵy jetekshi álemdik kompanııalarmen yntymaqtastyqty damytyp, ótkizý naryqtaryn ártaraptandyrý arqyly halyqaralyq deńgeıdegi pozıtsııasyn nyǵaıtyp keledi. Bıyl Úndistan men Qytaıdyń iri energetıkalyq kompanııalarymen tabıǵı ýran jetkizý jóninde jańa kelisimsharttar jasaldy, — delingen habarlamada.
Bıyl Úndistan men Qytaıdyń iri energetıkalyq kompanııalarymen tabıǵı ýran jetkizý jóninde jańa kelisimsharttar jasaldy.
Qasym-Jomart Toqaevqa «Qazatomónerkásiptiń» ıadrolyq otyn tsıkli salasyndaǵy qyzmeti jáne 2025-2034 jyldarǵa arnalǵan damý strategııasyna saı aldaǵy jumys josparlary týraly aqparat usynyldy.
Sonymen qatar Meıirjan ıÝsýpov «Qazatomónerkásiptiń» ǵylymı-tehnologııalyq áleýetin damytý týraly aıtty.
Kompanııa ýran óndirisiniń tıimdiligin arttyrý jáne sırek ári sırek kezdesetin ilespe metaldardy alý tehnologııasyn jetildirý maqsatynda ǵylymı zertteýler júrgizip jatyr.
Budan bólek, kompanııa bıyl Memleket basshysynyń tapsyrmasy boıynsha júzege asyrylyp jatqan áleýmettik jáne ınfraqurylymdyq nysandar salýdyń aýqymdy baǵdarlamasy aıasynda densaýlyq saqtaý, bilim berý jáne sport salalaryndaǵy jobalarǵa 13 mıllıard teńgeden astam qarjy bóldi.
Kezdesý sońynda Memleket basshysy resýrstyq bazany odan ári damytý, halyqaralyq yntymaqtastyqty keńeıtý jáne áleýmettik bastamalardy iske asyrý jóninde birqatar tapsyrma berdi.
Eske salaıyq, munyń aldynda Prezıdent Qasym-Jomart Toqaev «QazaqGaz» UK» AQ basqarma tóraǵasy Álibek Jamaýovty qabyldaǵanyn habarlaǵanbyz.
