«Qazatomónerkásiptiń» vıtse-prezıdenti aqshany qalaı urlaǵan

ASTANA. QazAqparat - Búgin Astanada ótken «Urlanǵan aktıvterdi shetelden qaıtarý jáne ulttyq qarjy júıesin damytý» taqyrybyndaǵy «dóńgelek ústelde» Bas prokýror Jaqyp Asanov «Qazatomónerkásip» ulttyq kompanııasynyń burynǵy vıtse-prezıdenti Rústem Tursynbaevtyń qyrýar qarjyny qalaı urlaǵanyn aıtyp berdi, dep xabarlaıdy QazAqparat tilshisi.

«Qazatomónerkásip» offshordan adam oıyna kelmeıtin baǵamen kúkirt qyshqylyn satyp alyp otyrǵan. Shyn máninde 70 mıllıon dollar kólemindegi barlyq marjany kompanııanyń vıtse-prezıdenti Tursynbaev óz qaltasyna basyp alǵan. Qazirgi kezde ol Kanada boı tasalap júr», - dedi J.Asanov.

Aıta ketken jón, R.Tursynbaev osydan jeti jyl buryn shetelge qashyp ketken.

Búgingi otyrys barysynda Bas prokýror qazirgi qarjylyq qylmystardy tergeý júıesin ózgertý qajettigin jetkizdi. Sebebi quqyq qorǵaý organdary naqty bir ispen aınalysyp jatqanda qylmyskerler qyrýar qarajatty shetelge aýdaryp, elden taıyp turady. Bylaısha aıtqanda, tergeýshilerdiń barlyq kúsh-jigeri bıýrokratııaǵa ketip jatyr. Al urlanǵan aqsha birden tárkilense, qylmysker eshqaıda qasha almaıdy.

Osy oraıda J.Asanov qarjylyq tergeýlerdi paralleldi júrgizý mexanızmin qolǵa alýdy usyndy. 

Sondaı-aq Qazaqstanda sheteldegi qarjyny qaıtarýǵa arnalǵan arnaıy jobanyń qolǵa alynǵanyn erekshe atap ótken jón.

Sonyń aıasynda sheteldik mamandar Qazaqstannyń 10 qyzmetkerin daıarlap jatyr. Osy kýrstardan keıin olar sheteldik tájirıbeni búkil apparatqa taratatyn bolady.