«QazAtomÓnerkásiptiń» AQSh-ta buǵattalǵan 32 mln dollary qaıtaryldy
Bul týraly ulttyq kompanııanyń 2022 jylǵy shoǵyrlandyrylǵan qarjy esebinde aıtylǵan.
«2023 jyldyń 13 qańtarynda AQSh Qarjy mınıstrliginiń sheteldegi aktıvterdi basqarý basqarmasy (OFAC) buǵattalǵan qarajatty qaıtaryp berý týraly lıtsenzııa berdi. 2023 jyldyń 30 qańtarynda bank-korrespondent 32,7 mln dollar kóleminde qarajatty qaıtardy. Onyń ishinde esepke alynǵan paıyzdar esebinen 0,4 mln dollar da qaıtaryldy», - dep jazylǵan esepte.
Sondaı-aq 2022 jyly shyǵarylǵan qysqa merzimdi kommertsııalyq oblgıtsaııalar tólngeni aıtylǵan.
«Bul tólemniń jalpy somasy 50,180 mıllıon dollar boldy. Onyń ishinde 0.18 mıllıon dollardyń kýpony da bar», - delingen esepte.
Buǵan deıin keıbir BAQ-ta kompanııanyń qarjysy sanktsııalyq tizimdegi kompanııalarda jatqandyqtan buǵattalǵany týraly málimet taraǵan.
Bul jóinnde ulttyq kompanııanyń saıtyna 17 naýryzda shyqqan resmı málimette de aıtylǵan. «AQSh Qarjy mınıstrliginiń sheteldik aktıvterdi baqylaý basqarmasynyń (OFAC) sanktsııalaryna ushyraǵan zańdy tulǵalar tizimine engizilgen 2022 jyly jetkizýshige buryn tólengen 14 812 mln teńge somasyna paıdalanýǵa shektelgen qarajat, korrespondent-bank aqshalaı qarajatty qate buǵattady jáne bul qarajat syıaqyny qosa alǵanda, 2023 jylǵy qańtarda tolyq kólemde qaıtaryldy; «Aqbastaý» BK» AQ jer qoınaýyn paıdalanýǵa arnalǵan kelisimshart boıynsha tólengen 249 tonna artyq óndirilgen ýran úshin aǵymdaǵy spottyq baǵalar negizinde 7 310 mln teńge somasyna ótemaqy«, - dep jazylǵan relızde.
