«Qazatomónerkásip» UAK AQ jylyna 25-26 myń tonna ýran óndire alatyn múmkindigi bar
ALMATY. Maýsymnyń 4-i. QazAqparat /Erbol Azanbek/-«Qazatomónerkásip» UAK AQ jylyna 25-26 myń tonna ýran óndirýge áleýeti jetedi. Bul týraly 4-shi Qazaqstandyq ınvestıtsııalyq sammıt barysynda, 2011-14 jyldary álemde ýran tapshylyǵy oryn alýy múmkin degen joramalǵa jaýap bergen Ulttyq kompanııanyń vıtse-prezıdenti Sergeı ıAshın aıtty.
«Bizdiń aldaǵy ýaqytta 25-26 myń tonna ýran óndirýge múmkindigimiz bar. Alaıda óndiris kúshin arttyrý suranysqa qaraı júzege asyrylady. Buǵan ýran qory da, jumys kúshiniń áleýeti de jetedi. Qazirgi kezde «Qazatomónerkásip» UAK AQ-da 26 myń adam jumys isteıdi. 100 enshiles jáne tyǵyz baılanysty jumys atqaratyn kásiporny bar. 20 ken orny boıynsha álemniń jetekshi ýran óńdeýshi elderimen 10 birikken kásiporyndar qurylǵan. Aldaǵy ýaqytta suranysqa oraı birqatar birikken jobalardy júzege asyrýdy kózdeımiz. Bul rette aıta keterligi bizge qaǵaz júzindegi ınvestorlar qajet emes. Bizge jańa tehnologııa ákeletin, jańa ónimder óndirisin jasaýǵa múmkindik beretin ınvestorlar qajet», dedi S.ıAshın.
Ol sondaı-aq 2011-14 jyldary álemde AES salýdyń artýymen ýran tapshylyǵynyń oryn alýy múmkin degen joramalmen kelispeıtindigin bildirdi. «Ýranǵa suranys artýy múmkin. Ýran óndirýshi kompanııalardyń áleýeti jetetindikten, profıtsıt oryn almaıdy», dedi ol. Onyń aıtýynsha, «Qazatomónerkásip» UAK AQ bıylǵy jyldyń ózinde 18 myń tonna ýran óndirýdi josparlap otyr.
