«Qazatomónerkásip» UAK» AQ-nyń ekonomıka jáne qarjy jónindegi bas dırektory taǵaıyndaldy
«Qazatomónerkásip» UAK» AQ basqarma tóraǵasy Asqar Jumaǵalıev kompanııa ujymyna ekonomıka jáne qarjy jónindegi jańa bas dırektor Meıirjan ıÝsýpovty tanystyrdy.
Meıirjan ıÝsýpov Middle East Technical University oqý ornyn «ekonomıka jáne basqarý» mamandyǵy boıynsha bitirip, London ekonomıka mektebinde («Bolashaq» baǵdarlamasymen) ekonomıkalyq damýdy basqarý boıynsha magıstr dárejesin alǵan. Sondaı-aq, Garvard ýnıversıteti Dj. Kennedı atyndaǵy memlekettik basqarý mektebiniń magıstri dárejesine ıe.
Meıirjan ıÝsýpov ár jyldary kommertsııalyq qurylymdarda jumys istep, «Demır Qazaqstan Bank» AQ korporatıvtik qatynastar departamenti dırektorynyń orynbasary, «Samuryq-Qazyna» UÁQ» AQ korporatıvtik qarjy departamentiniń menedjeri, keıin bas menedjeri, QR ekonomıka jáne bıýdjetti josparlaý mınıstrliginiń ınvestıtsııalyq saıasat departamenti dırektorynyń orynbasary, «Qazatomónerkásip» UAK» AQ korporatıvtik qarjy jáne qazynalyq departamentiniń dırektory qyzmetterin atqarǵan.
Buǵan deıin «Qazatomónerkásip» UAK» AQ ekonomıka jáne qarjy jónindegi bas dırektory bolǵan Aıdar Arıfhanov Qazaqstan Respýblıkasy ulttyq ekonomıka vıtse-mınıstri bolyp taǵaıyndalǵan bolatyn.
«Qazatomónerkásip» UAK» AQ Qazaqstannyń ýran jáne onyń qosyndylaryn, sırek metaldar, atom elektr stansalaryna arnalǵan ıadrolyq otyn, arnaıy qural-jabdyqtar, tehnologııalar jáne ekiudaı maqsattaǵy materıaldar eksportymen aınalysatyn ulttyq operator. Kompanııa qyzmetiniń basty baǵyttary geologııalyq barlaý, ýran óndirisi, ıadrolyq otyn tsıkly ónimderin óndirý, reaktor jasaý, AES qurylysy, konstrýktsııalyq materıaldar óndirisi, energetıka, ǵylymı zertteý, áleýmettik qamtý jáne mamandar daıyndaý bolyp tabylady. Qazatomónerkásip sondaı-aq, Qazaqstanda jańartylatyn energetıkany damytý baǵdarlamasynyń belsendi qatysýshysy. Búgingi tańda kompanııada 27 000-nan astam adam eńbek etedi. Qazatomónerkásip álemniń jetekshi ýran óndirýshi kompanııalarynyń kóshin bastap keledi.
