«Qazatomónerkásip» taǵy da ákimshilik jaýapkershilikke tartyldy

NUR-SULTAN. QazAqparat - Energetıka mınıstrliginiń Atomdyq jáne energetıkalyq qadaǵalaý men baqylaý komıteti «Qazatomónerkásip» UAK» AQ-ǵa qatysty jospardan tys tekserý júrgizdi, dep habarlaıdy QazAqparat.

Bul buryn júrgizilgen tekserýdiń nátıjesi boıynsha berilgen anyqtalǵan buzýshylyqtardy joıý týraly nusqamanyń oryndalýyn baqylaý aıasynda júrgizildi.

Mınıstrlik málimetinshe, tekserý nátıjeleri boıynsha uıǵarymdy oryndamaý faktisi, atap aıtqanda ıadrolyq materıaldardy memlekettik esepke alý erejeleriniń talaptaryn buzý faktisi boıynsha ákimshilik quqyq buzýshylyq týraly is qozǵaldy.

Atalǵan ákimshilik is Nur-Sultan qalasynyń mamandandyrylǵan aýdanaralyq ákimshilik sotynda qaralyp, «Qazatomónerkásip «UAK» AQ-ny ákimshilik jaýapkershilikke tartý týraly sheshim shyǵaryldy.

Eske salsaq, ótken jyldyń sońynda «Qazatomónerkásip» kompanııasy ákimshilik jaýapkershilikke tartylǵan bolatyn.