Qazatomónerkásip ókili tuńǵysh ret WNFM basshylyq quramyna endi

ASTANA. QazAqparat - «Qazatomónerkásip» UAK» AQ marketıng jáne satylym boıynsha Basqarýshy dırektory  Dáýren Alybaev WNFM (World Nuclear Fuel Market - Dúnıejúzilik ıAdrolyq otyn naryǵy) Basqarýshy keńesiniń múshesi bolyp taǵaıyndaldy, dep habarlaıdy kompanııanyń baspasóz qyzmeti. 

Dáýren Alybaevtyń taǵaıyndalýy AQSh-tyń Montereı qalasynda ótken WNFM jyl saıynǵy kezdesýi barysynda daýys berý arqyly anyqtalyp, jarııalandy. 

«WNFM Keńesiniń quramynda óz ókiliniń bolýy Qazatomónerkásip tarıhyndaǵy birinshi jáıt. Bul kompanııanyń tabıǵı ýran óndirisindegi kóshbasshy retinde, álemdik atom ónerkásibin qoldaýǵa belsendi umtylysyn kórsetedi», - delingen habarlamada. 

Aıta keterligi, 1974 jyly qurylǵan WNFM beıbit atomdy kommertsııalyq turǵyda qoldaný salasynda áriptestik ornatatyn alǵashqy alańdardyń biri. Qaýymdastyq atom salasyna qajetti ıadrolyq materıaldar óndirýshi, jetkizýshi, tutynýshy iri kompanııalardy biriktiredi.  

WNFM múshesi bolyp álemniń 20 eliniń 90 kompanııasy tanylǵan.  «Qazatomónerkásip» UAK» AQ atalmysh uıymǵa 2002 jyldan beri múshe.