«Qazatomónerkásip» kompanııasynyń Venada jalǵa alǵan keńseniń qyzmeti barysynda 99 mln. teńgeden astam qarjy zańsyz jumsalǵan
ASTANA. Naýryzdyń 26-sy. QazAqparat /Rýslan Ǵabbasov/ - «Qazatomónerkásip» Ulttyq atom kompanııasynyń Venada 2003-2007 jyldary jalǵa alǵan keńseniń qyzmeti barysynda 99 mıllıon teńgeden astam qarjy zańsyz jumsaldy. Bul týraly búgin Astanada ótken baspasóz máslıhatynda Saryarqa aýdanynyń №2 aýdandyq sotynyń tóraǵasy Nurjan Joldasbekov málim etti,
dep habarlaıdy QazAqparat.
«Іs júzinde atalǵan ókildik júktelgen mindetterdi oryndaǵan joq. Onda 2007 jylǵy qyrkúıek aıyna deıin qyzmet istep, basqarǵandar «Qazatomónerkásipke» qatysy joq adamdar», - dedi ol.
Sondaı-aq N. Joldasbekov olar MAGATE-men ózara is-qımyl boıynsha alǵa qoıylǵan maqsattardy oryndamaǵanyn jetkizdi.
«Sonymen birge 100 paıyz memlekettik bolǵandyqtan ulttyq atom kompanııasy, ıaǵnı memlekettik qarjydan jyl saıyn atalǵan ókildik qyzmetine aýqymdy qarjy aýdaryp otyrǵan», - dedi ol.
Taratylǵan málimetterge qaraǵanda, 2003 jyly M. Jákishev «Qazatomónerkásip» Avstrııanyń Vena qalasynda ornalasqan MAGATE-niń shtab-páterimen birlesken jumys júrgizedi degen maqsatta keńse ǵımaratyn jalǵa alǵan. «Іs júzinde ony basqa tulǵalar óz maqsatynda paıdalanǵan», delingen onda.
«2003 jyldyń shildesi men 2007 jylǵy qyrkúıegin qosa alǵandaǵy aralyqta bul ókildiktiń qyzmetin qarjylandyrýǵa zańsyz 99 mıllıon teńgeden astam qarjy jumsaldy»,- dedi N. Joldasbekov.
