Qazatomónerkásip kompanııasy 500 mıllıon AQSh dollarynyń debıýttyq eýrooblıgatsııalaryn ornalastyrdy
ALMATY. Mamyrdyń 14-i. QazAqparat - Qazatomónerkásip oblıgatsııalaryna suranys bastapqy usynystan 8 esege asyp tústi,
dep habarlaıdy QazAqparat kompanııanyń baspasóz qyzmetine silteme jasap.
«Qazatomónerkásip» ulttyq atom kompanııasy» AQ 500 mıllıon AQSh dollary somasyndaǵy debıýttyq eýrooblıgatsııalardy 6,25 paıyzdyq kýpondyq mólsherlememen 5 jyldyq merzimge ornalastyrdy. Bul damýshy naryqtardaǵy emıtentteri eýrooblıgatsııalaryn shyǵarý tarıhyndaǵy eń úzdik kórsetkish bolyp otyr. Investorlardyń ótinimder kitaby 4,3 mıllıard AQSh dollaryn qurady. Tabystylyq 2010 jylǵy mamyrdyń 14-i kúngi ótkizilgen ótinimder kitabyn jabýdyń qorytyndysy negizinde anyqtaldy. Alǵashqy tikeleı shyǵarym boıynsha qazaqstandyq ınvestorlardyń úlesi shyǵarylymnyń 10 paıyzyna teń boldy.
Kompanııanyń debıýttyq eýrooblıgatsııalaryn ornalastyrýdyń osynaý oń nátıjesi Qazaqstannyń bıik bedeli men oǵan degen álemdik qaýymdastyqtyń joǵary senimin ańǵartqandaı. Munyń barlyǵyna halyqaralyq qaýipsizdik, sondaı-aq halyqaralyq normatıvter men MAGATE reglamentterine sáıkes ıadrolyq taratpaý rejımin nyǵaıtý boıynsha elimizdiń shebin kúsheıtýdegi Elbasy Nursultan Nazarbaevtyń jeke úlesiniń arqasynda qol jetip otyr.
Oblıgatsııalar Reg S/144A erejeleri boıynsha ornalastyrylýda, esep aıyrysý merzimi - 2010 jylǵy mamyrdyń 20-sy dep josparlanýda. «Qazatomónerkásip» UAK» AQ eýrooblıgatsııalardyń debıýttyq shyǵarylymynyń birlesken jetekshi menedjerleri men býkrannerleri etip JP Morgan jáne BNP Paribas qarjy ınstıtýttaryn taǵaıyndady. Al otandyq jetekshi menedjer retinde «Halyk Finance» AQ-na senim bildirildi. Atalmysh oblıgatsııalardyń shyǵarylymy aǵylshyndyq quqyqpen úılestirilýde.
