Qazatomónerkásip «Kaýstık» AQ-daǵy úlesin satýdy josparlap otyr
ASTANA. QazAqparat - «Qazatomónerkásip» UAK» AQ «Kaýstık» AQ-daǵy 40% aktsııalar paketin satýdy josparlap otyr. Bul týraly aktsıonerlik qoǵamnyń baspasz qyzmeti habarlady.
Konkýrstyq qujattamalar men eki kezeńdik ashyq konkýrstyń habarlamasy «Qazatomónerkásip» UAK» AQ-nyń (www.kazatomprom.kz) veb-portalynda ornalastyrylǵan. 40% aktsııalar paketi úshin suralatyn bastapqy baǵa jeti mıllıard tórt júz qyryq mıllıon teńgeni quraıdy.
Konkýrs «Samuryq-Qazyna» AQ jáne daýys berý aktsııalarynyń elý paıyzdan astamy tikeleı nemese janama túrde «Samuryq-Qazyna» AQ-na menshik retinde tıesili bolǵan uıymdardyń «Samuryq-Qazyna» AQ dırektorlar keńesiniń sheshimimen bekitilgen aktıvterin satý jáne qaıta qurylymdaýdyń biryńǵaı erejeleri men «Qazatomónerkásip» UAK» AQ aktıvterin satý jónindegi Komıssııa bekitken konkýrstyq qujattamalarǵa sáıkes júrgiziledi.
Ashyq eki kezeńdik konkýrsqa ótinimder qabyldaý 2017 jylǵy 25 qyrkúıek kúni Astana ýaqytymen saǵat 15.00-de aıaqtalady.
«Kaýstık» AQ - qoldanystaǵy barlyq qazaqstandyq jáne halyqaralyq sapa standarttaryna sáıkes keletin zamanaýı hımııa óndirisi. Kásiporyn kaýstıkalyq soda (30 myń t/j), suıyq hlor (26 myń t/j), tuz qyshqylyn (45 myń t/j), sondaı-aq natrııdyń tehnıkalyq gıpohlorıtin (6,6 myń t/j) shyǵarady. Zaýyt ónimderi ekonomıkanyń kóptegen salalarynda: munaı, hımııa, medıtsına, tamaq ónerkásibi, tústi jáne qara metallýrgııa jáne t.b. qoldanylady.
Enshiles jáne táýeldi kásiporyndardy satý bıznesti transformatsııalaý baǵdarlamasy aıasynda beıindi emes aktıvterden arylý jáne kompanııa qyzmetin tikeleı atom salasyna baǵyttaý maqsatynda júzege asyrylýda.
