Qazatomónerkásip «Kaýstık» AQ-daǵy óziniń úlesin satpaq
ASTANA. QazAqparat - «Qazatomónerkásip» UAK» AQ «Kaýstık» AQ-daǵy 40% aktsııalar paketin satpaq, dep habarlaıdy QazAqparat kompanııanyń baspasóz qyzmetine silteme jasap.
Konkýrstyq qujattama men ashyq eki kezeńdik konkýrstyń habarlamasy «Qazatomónerkásip» UAK» AQ-nyń (www.kazatomprom.kz ) veb-portalynda ornalastyrylǵan. 40% aktsııalar paketi úshin suralatyn bastapqy baǵa tórt mıllıard seksen segiz mıllıon segiz júz segiz myń teńgeni quraıdy.
Konkýrs «Samuryq-Qazyna» AQ jáne daýys berý aktsııalarynyń elý paıyzdan astamy tikeleı nemese janama túrde «Samuryq-Qazyna» AQ-na menshik retinde tıesili bolǵan uıymdardyń «Samuryq-Qazyna» AQ Dırektorlar keńesiniń sheshimimen bekitilgen aktıvterin satý jáne qaıta qurylymdaýdyń biryńǵaı Erejeleri men «Qazatomónerkásip» UAK» AQ aktıvterin satý jónindegi Komıssııa bekitken konkýrstyq qujattamalarǵa sáıkes júrgiziledi.
Ashyq eki kezeńdik konkýrsqa ótinimder qabyldaý 2017 jylǵy 6 qazanda bastalyp, 6 qarasha kúni Astana ýaqytymen saǵat 15.00-de aıaqtalady.
Aktıvti ıelengen ınvestor mámileniń belgilengen sharttaryn oryndaý japýapkershiligin óz moınyna alady. Satyp alýshy qyzmetkerlerdiń shtattaǵy sanyn, qyzmet profılin saqtaýdy jáne kásiporyndardyń árekettegi sharttaryn oryndaýǵa mindettenedi.
«Kaýstık» AQ - qoldanystaǵy barlyq qazaqstandyq jáne halyqaralyq joǵary sapa standarttaryna sáıkes keletin zamanaýı hımııa óndirisi. Kásiporyn kaýstıkalyq soda (30 myń t/j), suıyq hlor (26 myń t/j), tuz qyshqylyn (45 myń t/j), sondaı-aq natrııdyń tehnıkalyq gıpohlorıtyn (6,6 myń t/j) shyǵarady. Zaýyt ónimderi ekonomıkanyń kóptegen salalarynda: munaı, hımııa, medıtsına, tamaq ónerkásibi, tústi jáne qara metallýrgııa jáne t.b. qoldanylady.
Enshiles jáne táýeldi kásiporyndardy satý Bıznesti transformatsııalaý baǵdarlamasy aıasynda bıznesti ońtaılandyrý maqsatynda beıindi emes aktıvterden arylý jáne kompanııa qyzmetin tikeleı atom salasyna baǵyttaý jolymen júzege asyrylýda.
