Qazatomónerkásip «Kaýstık» AQ-daǵy aktsııalar úlesin taǵy da satýǵa shyǵardy
Konkýrstyq qujattama men ashyq eki kezeńdik konkýrstyń habarlamasy «Qazatomónerkásip» UAK» AQ-nyń saıtynda ornalastyrylǵan.
Ashyq eki kezeńdik konkýrsqa ótinimder qabyldaý 2018 jyldyń 22 tamyzynda Astana ýaqytymen saǵat 15.00-de aıaqtalady.
Eske sala ketsek, atom kompanııasy «Kaýstıktiń» 40% aktsııalar paketin buǵan deıin birneshe márte satylymǵa shyǵarǵan bolatyn. 2017 jyly jeltoqsan aıynda aktsııalar paketi 3 mlrd 720 mln 608 myńǵa teńgege, 2017 jyly qazan aıynda 4 mlrd 088 mln 808 myńǵa, 2017 jyly tamyz aıynda 7 mlrd 440 mln-ǵa baǵalanǵan edi.
«Konkýrs «Samuryq-Qazyna» AQ Dırektorlar keńesiniń sheshimimen bekitilgen aktıvterin satý jáne qaıta qurylymdaýdyń biryńǵaı erejeleri men «Qazatomónerkásip» UAK» AQ aktıvterin satý jónindegi komıssııa bekitken konkýrstyq qujattamalarǵa sáıkes júrgiziledi», - delingen habarlamada.
Aıta keterligi, «Kaýstık» AQ - qoldanystaǵy barlyq qazaqstandyq jáne halyqaralyq joǵary sapa standarttaryna sáıkes keletin zamanaýı hımııa óndirisi. Kásiporyn kaýstıkalyq soda (30 myń t/j), suıyq hlor (26 myń t/j), tuz qyshqylyn (45 myń t/j), sondaı-aq natrııdyń tehnıkalyq gıpohlorıtyn (6,6 myń t/j) shyǵarady. Zaýyt ónimderi ekonomıkanyń kóptegen salalarynda: munaı, hımııa, medıtsına, tamaq ónerkásibi, tústi jáne qara metallýrgııa jáne t.b. qoldanylady.
Enshiles jáne táýeldi kásiporyndardy satý bıznesti transformatsııalaý baǵdarlamasy aıasynda bıznesti ońtaılandyrý maqsatynda beıindi emes aktıvterden arylý jáne kompanııa qyzmetin tikeleı atom salasyna baǵyttaý jolymen júzege asyrylýda.
