«Qazatomónerkásip» kásiporyndarynan munaı ónimderin urlaǵan qylmystyq top ustaldy
Uıymdasqan top janar-jaǵarmaı men qundy zattardy shyǵarýǵa áreket jasaý kezinde ustalǵan. Onyń quramyna 10-nan astam adam kirgen, onyń ishinde sottalǵandar men destrýktıvtik dinı aǵymdy ustanýshylar bolǵan.
Jedel aqparat boıynsha olar aı saıyn ondaǵan mıllıon teńgeniń múlkin urlaǵan. Uıymdasqan top ókilderi urlanǵan zattardyń radıatsııalyq qaýipi men ony tasymaldaý men saqtaý kezinde arnaıy sharttar qajet ekenine nazar aýdarmaǵan.
Sondaı-aq, olar bopsalaý, kásipkerlerge «qamqorlyq jasaýmen» jáne reketpen aınalysqan. Qylmystyq ortada bedelin nyǵaıtý úshin qarý qoldana otyryp, esep aıyrysysqan. Tintý barysynda qylmyskerlerden esirtki, atys qarýy, kúmándi dinı ádebıet, qylmystyq jolmen alynǵan aqsha «Qazatomprom» kásiporyndarynan urlanǵan materıaldyq baǵaly zattar tabyldy.
Atalǵan faktiler boıynsha Qazaqstan Respýblıkasy QK-niń 197 (Munaı jáne munaı ónimderin tasymaldaý jáne satyp alý), 287 (Qarý men oq-dárilerdi zańsyz satyp alý, berý, satý jáne saqtaý) jáne 296 (Esirtki quraldarymen zańsyz is-áreket) baptary boıynsha sotqa deıingi tergep-tekserý bastaldy. Qalǵan faktiler boıynsha dálelder jınalyp jatyr. Barlyq jedel is-sharalar prokýrordyń sanktsııasymen júrgizildi, kináli adamdar ustaldy jáne sottyń sanktsııasymen tergeý ızolıatoryna engizildi.