Qazatomónerkásip: IPO aıasynda shıkizat qory boıynsha tyńǵylyqty esep beriledi

ASTANA. QazAqparat - ІRO qarsańynda «Qazatomónerkásip» ulttyq atom kompanııasy» AQ shıkizat qory boıynsha naqty esepti jarııalaıdy. Bul týraly Astanada ótken baspasóz máslıhatynda atalǵan ulttyq kompanııanyń basshysy Ǵalymjan Pirmatov málim etti, dep habarlaıdy QazAqparat.

«IPO aıasynda bizde shıkizat qory boıynsha tyńǵylyqty esep beriledi. ıAǵnı barlyq ken oryndary boıynsha málimet qamtylady. Kompanııany baǵalaý kezindegi negizgi bóliginde onyń qory eskeriletinin túsiný kerek. Osy oraıda óndirý turǵysynda bizdegi kelisimsharttar nazarda bolady. Bizde aldaǵy ýaqytta óndirýge bolatyn qor áli de jeterlik. Qazirgi kezde biz óndire alatyn 295 myń tonna bar. Jalpy, elimizdegi qordyń deńgeıi atalǵan kórsetkishten joǵary», - dedi Ǵ. Pirmanov.

Sonymen qatar ol qoımalardaǵy qor kólemine toqtaldy.  Strategııa boıynsha kompanııa alty aılyq ýran qoryn nemese 6 myń tonnaǵa jýyq jınaqtaıtyn bolady.

«Birinshi jartyjyldyq sońynda bizdegi qor 11 myń tonnaǵa tarta boldy. Biraq jyldyń ekinshi jartysynda óte kóp jetkizilimderdi júzege asyrdyq. Sáıkesinshe, jyl sońyna qaraı qor kólemi tómendeıdi», - dedi ulttyq kompanııa basshysy.

Budan buryn habarlanǵandaı, IPO aıasyndaǵy mámileni «Qazatomónerkásip» qarashanyń ortasynda aıaqtamaq.