Qazatomónerkásip birqatar kompanııalardyń aktsııalaryn satýǵa shyǵarmaq
ASTANA. QazAqparat - «Qazatomónerkásip» UAK» AQ «Astana Solar» JShS, «Kazakhstan Solar Silicon» JShS jáne «KazSilicon» MK» JShS-nyń jarǵylyq kapıtalyndaǵy 100% qatysý úlesi paketin satýdy josparlap otyr. Bul týraly aktsıonerlik qompanııanyń baspasóz qyzmeti habarlady.
Konkýrstyq qujattamalar men eki kezeńdik ashyq konkýrstyń habarlamasy «Qazatomónerkásip» UAK» AQ-nyń (www.kazatomprom.kz) veb-portalynda ornalastyrylǵan. Úsh kompanııanyń jarǵylyq kapıtalyndaǵy 100% qatysý úlesi úshin suralatyn bastapqy baǵa tórt mıllıard segiz júz úsh mıllıon bes júz toqsan jeti myń teńgeni quraıdy.
Konkýrs «Samuryq-Qazyna» AQ jáne daýys berý aktsııalarynyń elý paıyzdan astamy tikeleı nemese janama túrde «Samuryq-Qazyna» AQ-na menshik retinde tıesili bolǵan uıymdardyń «Samuryq-Qazyna» AQ Dırektorlar keńesiniń sheshimimen bekitilgen aktıvterin satý jáne qaıta qurylymdaýdyń biryńǵaı Erejeleri men «Qazatomónerkásip» UAK» AQ aktıvterin satý jónindegi Komıssııa bekitken konkýrstyq qujattamalarǵa sáıkes júrgiziledi.
Ashyq eki kezeńdik konkýrs 2017 jylǵy 23 qyrkúıek kúni Astana ýaqytymen saǵat 12.00-de aıaqtalady.
«Astana Solar» JShS - jyldyq óndiristik qýaty 50 MVt-tan 100 MVt-qa deıin ulǵaıtý múmkindigine ıe fotoelektrli modýlder shyǵaratyn qazirgi zamanǵy zaýyt.
«Kazakhstan Solar Silicon» JShS - jobalyq qýaty jylyna 60 MVt-qa ıe PQK 16%-dan kem emes mýltıkrıstaldy kremnıı plastınalary men fotoelektrli uıashyqtar óndiretin zaýyt.
«KazSilicon» MK» JShS - jobalyq qýaty jylyna 10 000 tonna ónim óndirýge jáne jobalyq qýaty jylyna 3 200 tonnalyq metallýrgııalyq kremnıı óndirisine ıe, qýattalǵan qory 1,74 mln tonna jelilik kvartsqa teń Sarykól ken orny.
Enshiles jáne táýeldi kásiporyndardy satý Bıznesti transformatsııalaý baǵdarlamasy aıasynda beıindi emes aktıvterden arylý jáne kompanııa qyzmetin tikeleı atom salasyna baǵyttaý maqsatynda júzege asyrylýda.
