«Qazatomónerkásip» AQ Qyzylorda oblysynyń áleýmettik salasyn damytýǵa salǵan ınvestıtsııasy 4 mıllıard teńgeden asty
ALMATY. Aqpannyń 8-i. QazAqparat /Erlik Erjanuly/ - Qyzylorda oblysynyń ákimdigi men «Qazatomónerkásip» UAK» AQ yntymaqtastyq týraly memorandýmǵa qol qoıdy,
dep habarlaıdy QazAqparat kompanııanyń baspasóz qyzmetine silteme jasap.
Óńirdiń áleýmettik-ekonomıkalyq damýy salasyndaǵy yntymaqtastyqty damytý jáne turǵyndardyń ál-aýqatyn arttyrý maqsatyndaǵy bul memorandýmǵa oblys ákimi Bolatbek Qýandyqov pen «Qazatomónerkásip» UAK» AQ-nyń Basqarma tóraǵasy Vladımır Shkolnık qol qoıdy. Bul qujat aıasynda «Qazatomónerkásip» kompanııasy naqty mynadaı jobalardy júzege asyratyn bolady. Qyzylorda qalasyndaǵy perzenthana úıiniń qurylysyna 2010 jyly 909 mıllıon 800 myń teńge bólinedi. Shıeli kentinde múmkindigi shekteýli balalarǵa arnalǵan 499 mıllıon 448 myń teńgelik ınternat úıiniń qurylysy, Shıelidegi Kókshoqy yqsham aýdanynda 16 mıllıon 800 myń teńgege abattandyrý jumystary júrgiziledi. Osylaısha, «Qazatomónerkásip» uttyq atom kompanııasy» ýran óndiriletin aımaqtardaǵy áleýmettik baǵdarlamalaryn iske asyrýdy jalǵastyra beredi. Búgingi tańda kompanııanyń Qyzylorda oblysynyń áleýmettik salasyn damytýǵa salǵan ınvestıtsııasy 4 mıllıard teńgeden asyp ketti. Onyń ishinde buǵan deıin júzege asyrylǵan mynandaı jobalar bar: Jańaqorǵan aýdanyndaǵy jol ýchaskeleri men Jańaqorǵan kentindegi avtomobıl joldaryn jóndeý (225 mıllıon 157 myń teńge); Jańaqorǵan aýdanyndaǵy mektepti kerek-jaraq jáne qural-jabdyqtarmen jabdyqtaý, balalardyń bilimin kóterý boıynsha is-sharalar uıymdastyrý (19 mıllıon 484 myń teńge); Shıeli kentindegi avtomobıl joldaryna kúrdeli jóndeý júrgizý (70 mıllıon teńge); Shıeli kentin abattandyrý (145 mıllıon . 334 myń teńge); Shıelidegi №127 mektepti keńeıtý jáne qural-jabdyqtarmen jabdyqtaý (530 mıllıon 375 myń teńge; N. Bekejanov atyndaǵy Qyzylorda oblystyq mýzykalyq-drama teatrynyń ǵımaratyn kúrdeli jóndeýden ótkizý (196 mıllıon 145 myń teńge) jáne taǵy basqalar bar.
