«Qazarnaýlyeksport» deldal fırma qurý arqyly ımport baǵasyn qoldan ósirgen – vıtse-mınıstr

Senat otyrysynan keıin BAQ ókilderiniń saýalyna jaýap bergen Ónerkásip jáne qurylys mınıstriniń orynbasary Azamat Beıisbekov «Qazarnaýlyeksporttyń» ústinen qozǵalǵan iske pikir bildirdi, dep habarlaıdy Kazinform.

«Qazarnaýlyeksportqa» qatysty mende naqty aqparat joq. Sebebi tergeý múddesine baılanysty aqparat qorǵalatynyn bilesizder. Alaıda sondaı kemshilikterge ákep soqqan sharttardy joıýǵa jyl basynan beri áreket jasadyq. Toǵyzynshy jeltoqsan kúni memlekettik qorǵanys tapsyrysyn qalyptastyrý týraly Úkimet qaýlysyna engen ózgerister kúshine endi. BAQ-ta taraǵan aqparat boıynsha, osy istiń qozǵalýyna sebepker jaıt — «Qazarnaýlyeksport» pen jetkizýshi arasynda paıda bolǵan jeke kásiporyndar. Osy kásiporyndardy boldyrmas úshin Úkimet qaýlysynyń aıasynda «Qazarnaýlyeksportqa» qazaqstandyq rezıdentten satyp alýǵa tyıym saldyq», — dedi ol.

Onyń sózinshe atalmysh kásiporyn tek qana ımportqa ımportqa jumys isteıdi.

«Negizi zań boıynsha onyń quzyreti tek qana ımportqa jatady. Kóp jaǵdaıda ımporttalatyn ónimniń qymbattaýyna maqsaty teris bıznes ókilderiniń osy jaqtan qosymsha bir fırmalar ashyp, solar arqyly jetkizýi sebep bolady. Osyndaı jaǵdaılardyń aldyn alý úshin „Qazarnaýlyeksporttyń“ qazaqstandyq kompanııalardan satyp alýyna shekteý qoıyldy», — dedi Azamat Beıisbekov.

Eske sala keteıik, taıaýda 1 mlrd teńge urlady degen kúdikpen «Qazarnaýlyeksport» basshylary ustalǵan edi.