Qazannyń 29-y kúni elimizdiń birqatar qalalarynda «Qamqorshylar kúni» merekesi atap ótilmek
ALMATY. Qazannyń 27-si. QazAqparat /Ádilet Musahaev/ - Respýblıkalyq «Balalarǵa jylylyq syıla» aktsııasy aıasynda QR Bilim jáne ǵylym mınıstrligi Balalardyń quqyqtaryn qorǵaý komıtetiniń bastamashylyǵymen «Qazaqstan qamqorshylarynyń odaǵy» QQ, «Shyǵaramashylyq bastamashy áıelder lıgasy» QB jáne «Balanyń úni» qoǵamdyq qorymen birlese otyryp aǵymdaǵy jyldyń 29 qazanynda «Qamqorshylar kúni» sharasyn ótkizedi.
Bul jaıynda atalmysh uıymdardyń basshylary búgin Almatyda ótken baspasóz máslıhatynda aıtty, dep habarlaıdy QazAqparat.
Almaty qalalyq Balalardyń quqyǵyn qorǵaý departamenti dırektorynyń orynbasary Vladlena Ermolovıchtiń aıtýynsha, bul meıram qamqorshylyq januıalar men sondaı otbasylarda tárbıelenip jatqan jetim balalar úshin Qazaqstan tarıhyndaǵy alǵashqy qaıyrymdylyq shara bolyp tabylady. "Sharanyń basty maqsaty - bóten bala men jat qaıǵy joq" degen qaǵıdany ustanatyn adamdardy marapattaý jáne olarǵa qýanysh syılaý", deıdi V.Ermolovıch.
Atalmysh meıramdy Astana, Almaty, Petropavl, Aqtóbe, Temirtaý qalalalrynyń jurtshylyǵy qoldap, osy sharany bir kúnde ótkizýge birlesken sheshim qabyldaǵan.
«Shyǵaramashylyq bastamashy áıelder lıgasy» QB Basqarmasynyń tóraıymy Ásııa Haırýlına bul kúni qamqorshylarǵa qurmet kórsetý, balalar ujymdarynyń kúshimen kontserttik baǵdarlamalar josparlanyp otyrǵandyǵyn aıtady. «Osy mereke qarsańynda jetimdik máselelerine turǵyndardyń nazaryn aýdartyp, qala jurtshylyǵyn atalǵan sharany qoldaýǵa shaqyrǵymyz keledi. Sonymen qatar ata-analarynyń qamqorynsyz qalǵan sábılerdiń balalar úıiniń qabyrǵasynda emes januıa qamqorlyǵyna kóshýine kómekteskimiz keledi», - dep atap ótti óz sózinde Á. Haırýlına.
Óziniń tórt balasymen qosa aǵasynyń jetim qalǵan úsh balasyn baýyryna tartyp, qamqorshy bolyp otyrǵan Asqar Ábdiqalyqov mundaı sharalardyń qolǵa alynyp jatqanydyǵyna óz rızashylyǵyn bildirýde. «Qazir 7 bala asyrap otyrmyn, onyń 6- mektep qabyrǵasyna barady. Myna atalyp óteıin dep otyrǵan mereke kóptegen qamqorshylar men balalarǵa ózinshe septigin tıgizip, balalar úıindegi sábılerdiń azaıýyna ákeledi dep oılaımyn», - deıdi qamqorshy.
